S'assittaru n'terra,
erinu cintinara,
tutti armati di zappa e di pettri,
cuciuta da lu suli aviinu la peddi,
ri uri e uri a travagghiari
comu l'animali.
Di li manu chini di caddi,
sciva l'uduri ro lavuraturi,
sfruttatu e nzultatu
ro n'fami ro pattruni.
Cca luna si susiiunu
e cca luna livainu manu,
poviri Cristi,
ppi n'toccu di pani,
surainu comu li bestii
ppi ssi quattru rinari.
sparimi sbirru,
figghiu ri campagnolu comu a mmia,
picchi i me diritti ceccu
a stu statu trarituri,
e sciupirannu staju
pp'aviri cchiu soddi e menu uri.
L'aria focu addivintau,
fra pittrati,stuzii e derisioni,
ca lu prituri la nostra resa voli,
e senza condizioni.
Cianau fotti la rabbia quannu,
ppi farini livari,
li lacrimogeni n'da fudda
cuminciaru a ghittari.
Fu la guerra!
machini bruciati e sangu n'da la strata,
e li pistoli ca versu nui puntaru,
a fari focu a tagghiu r'omu
accuminciaru.
Assai feriti
e dui ri nuautri motti,
quannu cecchi i to diritti
lu statu ti futti.
A Peppi Scibilia e Angilu Sigona ammazzaru,
e ancora oggi n'do pinzeri
nui li puttamu
0 comments:
Post a Comment